सांग सांग भोलानाथ- IT Version

सहज गप्पा मारता मारता सुचलेलं विडंबन..
मुळ कविता तीच आपली…बालपणीची आवडती...सांग सांग भोलानाथ

****************

सांग सांग भोलानाथ पाऊस पडेल काय?
ऑफिसभोवती तळे साचून सुट्टी मिळेल काय? 
भोलानाथ दुपारी सर्व्हर गंडेल काय?
कुठे तरी भडका होऊन ओडीसी जळेल काय? 
भोलानाथ भोलानाथ, खरं सांग एकदा ,
वर्षातून पगारवाढ , होईल का रे तीनदा ? 
भोलानाथ उद्या आहे, टीमचं अप्रेझल
पोटात पीएमच्या कळ आणि छातीत होवो जळजळ 
तरीसुद्धा भोलानाथ A+ मिळेल काय ?
खुष होऊन पिएम प्रमोशन देईल काय ?
भोलानाथ जादूचा लॅपी मिळेल काय ?
FB करता ओपन अपोआप काम होईल काय?

(छायाचित्र अंतरजालावरुन साभार)

-प्रियांका विकास उज्ज्वला फडणीस.